Милям ёросамы дышето 25 кузя удмурт кылъя но литературая дышетӥсьёс. Удмурт кыл дышетӥське 16 школаосын.
Ёрос методобъединенилэн кивалтӥсез - Чекина Елена Семёновна.
Сайтлэн администраторез - Евдокимова Ирина Михайловна
КИВАЛТӤСЬЁС СЯРЫСЬ
МИ СЯРЫСЬ
Бусыгина Татьяна Николаевна
Алнаш ёросысь Вуж Утчан шоръёзо школаысь удмурт кылъя но литературая вылӥ категориен дышетӥсь.
Вордӥськи 1960-ти арын Алнаш ёросысь Вуж Утчан гуртын. 1977-тӥ арын, гуртысьтымы шоръёзо школаез йылпумъяса, дышетсконме азьланьтӥ Удмурт кун университетлэн кылъя но литературая факультетаз.
1982 арысен вордскем гуртам ик удмурт кылъя но литературая дышетӥсь луыса ужасько.
Кадрова Елизавета Леонидовна
Писэйгурт школаысь удмурт кылъя но литературая 1-тӥ категориен дышетӥсь.
Вордӥськи Алнаш ёросысь Писэйгуртын.
Уд ГУ-ысь удмурт филологи факультетэз
йылпумъяса, ужай Ярослав улосысь Углич ёросысь Шишкино школаын ӟуч кылъя но литературая дышетӥсь луыса. 1988-тӥ арысен ужасько Писэйгурт шор ёзо школаын
Конюхова Валентина Васильевна
Алнаш шоръёзо школаысь удмурт кылъя но литературая вылü категориен дышетüсь.
Вордскемын Алнаш ёросысь Алнаш черкогуртын. Школаме йылпумъяса, Удмурт кун университетлэн удмурт кылосбуръя ёзэтаз дышетскыны пыри, йылпумъяй, 16 ар ужасько ини удмурт кылъя но литературая дышетüсь луыса. Та аръёс чоже сюлмысьтым тыршисько нылпиослэсь творческой быгатонлыкъёссэс усьтыны, соосты азинтыны, удмурт кылын чебер вераськыны дышетüсько, вордскем кылзэс яратыны, данъяны но утьыны мылкыд пычатüсько.
Никонова Марина Яковлевна
Кузёбай шор ёзо школаысь удмурт кылъя но литературая дышетӥсь. Йылпумъяй Удмурт кун университетэз.
Чекина Елена Семёновна
Алнаш ёросысь Писэйгурт школаысь удмурт кылъя но литератураен нырысетӥ категориен дышетӥсь. Вордски Пичи Пурга ёросысь Итэш гуртын. 2003-тӥ арын Удмурт кун университетлэсь удмурт кылосбуръя ёзэтсэ йылпумъяй. 2007-2008 арын ужай Улын Сырьез гуртысь лыдӟиськонниын. 2008-тӥ арысен ужасько Писэйгурт шор ёзо школаын англи, удмурт кылъя но литературая дышетӥсь луыса.
Евдокимова Ирина Михайловна
Вуж Шудья школаысь удмурт кылъя но литературая нырысетӥ категориен дышетüсь.
Вордски Алнаш ёросысь Вуж Шудья гуртын. Можга педколледжез йылпумъяса, Удмурт кун университетлэн удмурт кылосбуръя ёзэтаз дышетски. 2007-тӥ арысен ужасько аслам школаям ик удмурт кылъя но литературая дышетüсь луыса.
