Мон ас интыям

огеныз кужмо дышетскисеным

анае егит дыръяз

мынам эшъёсы, мынам коллективе

Мон вордӥськи Алнаш ёросысь Вуж Шудья гуртын. Атае трос аръёс ӵоже тыршиз колхозын зооинженер, райпо огазеяськонын заготовкаосъя кивалтӥсь луыса. Анае - дышетӥсь вал. "Почётный работник общего образования" дано медален пусъемын.

Вань агае но сузэре. Соос мон сямен ик быръемын анайлэсь сюрессэ. Уло Ижкарын.

Анаелэсь сюрессэ бырйыны ӧй дырты вал, Вуж Шудья школаез йылпумъяса, 9 класс бере дышетскыны пыри ик ке но вал Можга педколледже. Татын монэ дышетӥзы покчи классъёсын дышетскись пиналъёсты визьноданы. Быръем удысэ тунсыко ке но потӥз, кема малпаськи, мыноно-а ӧвӧл-а школае шуыса. Анаелэсь ӝытъёсы но школа ужен выремзэ адӟыса, вылды, соку мылкыд ӧз бурдъяськылы школае. Со куспын "Варзи-Ятчи" санаториын воспитатель луыса но, Ижкарысь магазинъёсын вузкарисьын но ужаса вуттӥ... Утчай, утчай асме. Пыри Удмурт университетысь удмурт–ӟуч кылосбугор факультетэ. Университетын дышетскон аръёсам анае, шудтэм учыре сюрыса, бырыны шедиз. Соку малпай, анаелэсь ужзэ азьланьтоно шуыса. Берытски гуртэ. Дышетсконме куспетӥ карытэк, кутски ужаны школаын. Ужаны кутскеме бере юанъёс но ӧз кылдылэ ни кадь, ужано-а школаын шуыса. Со дырысь мон ужасько аслам вордскем школаям удмурт кылъя но литературая дышетӥсь луыса. Анаелэн эшъёсыз пӧлын. аслам дышетӥсьёсы пӧлын визьмаськисько, юнмасько, кыдасько.

2010 - 2013-тӥ аръёсы ужай педагог-организаторын. Нош 2014-тӥ арысен школамылэн кивалтӥсез луисько.

... Мон ас интыям. Мон дышетӥсь. Анаелэсь ужзэ азьлаьтӥсько.